Супрацьдзеянне тэрарызму, умацаванне надзейнасці граніц і барацьба з транснацыянальнай злачыннасцю сталі кампанентамі нацыянальнай бяспекі кожнай з дзяржаў СНД. Аб гэтым Прэзідэнт Беларусі Аляксандр Лукашэнка заявіў на пасяджэнні Савета кіраўнікоў дзяржаў СНД у вузкім фармаце, паведамляе БелТА.
«Супрацьдзеянне тэрарызму, умацаванне надзейнасці граніц, барацьба з транснацыянальнай злачыннасцю — гэта даўно перастала быць задачамі асобных ведамстваў, стаўшы кампанентамі нацыянальнай бяспекі кожнай з дзяржаў СНД», — заявіў Аляксандр Лукашэнка.
Паводле слоў Прэзідэнта, шырокі парадак дня пасяджэння — прамое пацвярджэнне таго, што сучасныя пагрозы датычацца ўсіх.
