Прэзідэнт Беларусі, старшыня Вышэйшага дзяржсавета Саюзнай дзяржавы Аляксандр Лукашэнка на адкрыцці Міжнароднага фестывалю мастацтваў «Славянскі базар у Віцебску» ўручыў прэміі Саюзнай дзяржавы ў галіне літаратуры і мастацтва за 2025-2026 гады творчым дзеячам, якія ўнеслі значны ўклад ва ўмацаванне дружбы паміж народамі Беларусі і Расіі, перадае БелТА.
Адпаведныя прэміі за 2025-2026 гады былі прысуджаны ў лютым гэтага года на пасяджэнні Вышэйшага дзяржаўнага савета Саюзнай дзяржавы.
Прэмія прысуджана галоўнаму дырыжору Нацыянальнага Прэзідэнцкага аркестра Рэспублікі Беларусь Віталю Кульбакову за стварэнне канцэртных праграм, якія садзейнічаюць умацаванню дружбы і ўсебаковага супрацоўніцтва Беларусі і Расіі.
Ад Расійскай Федэрацыі прэмій удастоены аўтарскі калектыў у складзе Любові Падлеснавай і Надзеі Бабенка за выставу «Бессмяротнасць подзвігу. Да 80-годдзя вызвалення Рэспублікі Беларусь ад нямецка-фашысцкіх захопнікаў»; аўтарскі калектыў у складзе Уладзіміра Малышава, Ірыны Зернавой, Ніны Качаляевай і Дзіяны Кабленкавай за праект «Кінаадукацыя: Сумесныя адукацыйныя праекты дзяржаў — удзельніц СНД».
