Прэзідэнт Беларусі Аляксандр Лукашэнка 9 верасня падпісаў указ № 326, якім надзяліў Міністэрства ўнутраных спраў паўнамоцтвамі на падпісанне Канвенцыі Арганізацыі Аб’яднаных Нацый супраць кіберзлачыннасці. Пра гэта паведамілі ў прэс-службе беларускага лідара.
Адпаведная канвенцыя была прынятая 24 снежня 2024 года. Поўная назва дакумента-Канвенцыя Арганізацыі Аб’яднаных Нацый супраць кіберзлачыннасці; умацаванне міжнароднага супрацоўніцтва ў барацьбе з пэўнымі злачынствамі, якія здзяйсняюцца з выкарыстаннем інфармацыйна-камунікацыйных сістэм, і ў абмене доказамі ў электроннай форме, якія адносяцца да сур’ёзных злачынстваў.
