«У Беларусі з трывогай і болем сочаць за наймагутнейшымі паводкамі ў Тайландзе, якія прывялі да шматлікіх чалавечых ахвяр, сур’ёзных разбурэнняў і значных страт для эканомікі краіны», — адзначыў кіраўнік дзяржавы. 

Аляксандр Лукашэнка выказаў спачуванні каралю Тайланда, сем’ям загінуўшых і ўсяму народу гэтай дзяржавы ў сувязі са стыхійным бедствам. Прэзідэнт таксама пажадаў выздараўлення пацярпелым і выказаў надзею на хуткае спыненне і пераадоленне наступстваў прыроднага катаклізму.