Прэзідэнт Беларусі Аляксандр Лукашэнка накіраваў спачуванне Прэзідэнту Ганы Джону Драмані Махаму ў сувязі з гібеллю членаў урада і іншых дзяржаўных дзеячаў у выніку авіякатастрофы на паўночным захадзе краіны. Пра гэта паведамілі ў прэс-службе кіраўніка дзяржавы.
«У Рэспубліцы Беларусь з вялікім шкадаваннем успрынялі вестку аб гібелі членаў урада і вядомых дзяржаўных дзеячаў у выніку авіякатастрофы на паўночным захадзе краіны», — гаворыцца ў спачуванні
Аляксандр Лукашэнка выказаў упэўненасць, што народ Ганы захавае памяць аб гэтых патрыётах і іх укладзе ў справу ўмацавання суверэнітэту сваёй дзяржавы ў мэтах яе ўстойлівага развіцця.
Прэзідэнт Беларусі адрасаваў глыбокія спачуванні Прэзідэнту Ганы і ўсяму народу, а сем’ям загінулых — словы падтрымкі ў сувязі з цяжкай стратай.
