Прэзідэнт Беларусі Аляксандр Лукашэнка накіраваў спачуванне родным і блізкім народнага артыста СССР Юрыя Грыгаровіча ў сувязі з яго смерцю. Аб гэтым паведамілі ў прэс-службе беларускага лідара.
«Пайшоў з жыцця незвычайна таленавіты чалавек, з імем якога звязаны лепшыя дасягненні савецкага і сучаснага харэаграфічнага мастацтва», — гаворыцца ў спачуванні.
Кіраўнік дзяржавы адзначыў, што Юрый Грыгаровіч унёс неацэнны ўклад у захаванне і развіццё багатых традыцый класічнага балета, прысвяціў нямала сіл і энергіі выхаванню творчай моладзі.
«Светлая памяць аб выдатным майстру, чыя прафесійная дзейнасць садзейнічала ўмацаванню дружбы і культурных сувязей паміж брацкімі народамі, заўсёды будзе жыць у нашых сэрцах», — падкрэсліў Прэзідэнт.
