Кіраўнік дзяржавы адзначыў, што беларускі народ з вялікім смуткам і пачуццём глыбокага суперажывання ўспрыняў гэтую сумную вестку.

Аляксандр Лукашэнка выказаў словы падтрымкі і салідарнасці з брацкім народам В’етнама, а таксама шчырыя спачуванні сем’ям і блізкім загінуўшых, усім грамадзянам гэтай краіны, каго закранула жудасная сіла стыхіі.

Кіраўнік дзяржавы пажадаў, каб крызісная сітуацыя была хутка пераадолена, зніклыя людзі былі знойдзеныя жывымі, пацярпелыя паправіліся, а тыя, хто быў вымушаны пакінуць свае дамы, змаглі вярнуцца да спакойнага жыцця.