Сустрэча кіраўніка беларускай дзяржавы з Прэзідэнтам краіны Мін Аун Хлайнам адбудзецца 2 ліпеня. Лідары краін, як плануецца, правядуць сустрэчу ў фармаце «адзін на адзін» для абмеркавання найбольш актуальных пытанняў беларуска-м’янманскіх адносін. 

На парадку дня — супрацоўніцтва ў прамысловасці, сельскай гаспадарцы, фармацэўтыцы, гуманітарнай сферы і па іншых кірунках. План сумесных дзеянняў уключае ў сябе канкрэтныя мерапрыемствы на перыяд 2026—2028 гадоў.

У М’янму Аляксандр Лукашэнка накіраваўся з Джакарты, дзе правёў перагаворы з Прэзідэнтам Інданезіі Прабова Субіянта. Інданезійскі лідар праводзіў кіраўніка беларускай дзяржавы ў аэрапорце.