Праграмай візіту запланаваныя перагаворы з Прэзідэнтам Расіі Уладзімірам Пуціным. Кіраўнікі дзяржаў абмяркуюць ключавыя кірункі двухбаковага супрацоўніцтва. Лідары Беларусі і Расіі таксама абмяняюцца думкамі па актуальных пытаннях рэгіянальнага і міжнароднага парадку дня, тэматыкі забеспячэння бяспекі.

Адбудзецца таксама сустрэча кіраўніка беларускай дзяржавы са старшынёй урада Расійскай Федэрацыі Міхаілам Мішусціным. У цэнтры ўвагі будуць практычныя пытанні ў развіцці беларуска-расійскага гандлёва-эканамічнага і інвестыцыйнага супрацоўніцтва, рэалізацыя кааперацыйных праектаў.