«Гэта такое наша дасягненне. Нашы продкі ў свой час выратавалі ад карычневай чумы не толькі Еўропу — увесь свет. Гэта наш вялікі здабытак. Мы з гэтага зыходзім. Здабытак і расіян, і беларусаў, і ўсіх рэспублік Савецкага Саюза. Ваявалі ўсе і гінулі дзясяткамі, сотнямі, тысячамі», — адзначыў Аляксандр Лукашэнка.

Ён звярнуў увагу на пазіцыю некаторых, з кім раней жылі ў адной дзяржаве, хто чамусьці адмаўляецца прызнаваць гэтае свята. «Проста непрыгожа і агідна, калі назіраеш за нашымі некаторымі „таварышамі“, якія вырашылі не тое, што забыцца, а наогул кінуць пад ногі гэтую Перамогу», — заўважыў беларускі лідар.

Аляксандр Лукашэнка акцэнтаваў: «Некаторыя нашы сябры, суседзі, з якімі мы былі ў адной дзяржаве, чамусьці адмаўляюцца прызнаваць гэтае свята. Асабліва нашы суседзі, беларускія. Узнікае пытанне: „Навошта яны гэта робяць?“. Гэта такое наша дасягненне. Нашы продкі выратавалі Еўропу ад карычневай чумы. Ды не толькі Еўропу, увесь свет выратавалі. Невядома, што было б з намі і не толькі з намі, прайграй гэтую вайну нашы папярэднікі».

«Беларусы страцілі кожнага трэцяга ў гэтай вайне. Які Прэзідэнт у Беларусі можа сабе дазволіць кінуць пад ногі, як анучу, гэтую Вялікую Перамогу? Ніякі. Таму я вам удзячны за тое, вы ўвесь час запрашаеце мяне, лічыце беларускі народ, да ўдзелу ў гэтым вялікім дзеянні», — адзначыў беларускі лідар.

Кіраўнік беларускай дзяржавы заявіў аб адсутнасці сур’ёзных спрэчак у беларуска-расійскіх адносінах.

Прэзідэнт адзначыў, што на постсавецкай прасторы Беларусь па аб’ёме ўзаемнага гандлю — асноўны партнёр Расіі. 

«Пры такіх вялікіх аб’ёмах — пад $60 млрд ужо, лічыце, вядома, ёсць, заўсёды будуць нейкія праблемы. Але мы неяк прыстойна жывём вось гэтыя гады. У нас ніколі не было нейкіх сур’ёзных спрэчак. Адно-два пытанні, якія мы абмяркоўваем і даручаем урадам разруліць іх», — сказаў Аляксандр Лукашэнка.

«І вось я сёння падумаў таксама: напэўна, паўтара пытання, якія мы з вамі абмяркуем. А астатняе — гэта наша Вялікая Перамога. Дзякуй, што запрасілі», — дадаў кіраўнік дзяржавы.