Вёска Домжарыцы, якая размешчана на тэрыторыі Бярэзінскага біясфернага запаведніка, павінна служыць узорам для развіцця аграгарадкоў ва ўсёй краіне. Пра гэта Прэзідэнт Беларусі Аляксандр Лукашэнка заявіў, размаўляючы з жыхарамі населенага пункта, паведаміла БелТА.
«Куды з’язджаць адсюль? Паветра ў вас у 300 разоў лепшае, чым у Мінску. Школа. Садок. Работа. Галоўнае — ёсць збыт, попыт на вашу прадукцыю. Я сказаў, што трэба аграгарадкі рабіць такімі, як у Домжарыцах. Трэба ўсё гэта змаляваць, спісаць і за некалькі гадоў зрабіць», — сказаў кіраўнік дзяржавы.
«Мяне многае тут здзівіла, шчыра скажу. Што вы ў цэнтры гэтага вялізнага масіва, і тут такая жамчужына. Наша галоўная задача — там, дзе ёсць магчымасць гэтыя цэнтры пабудаваць і захаваць, — туды будзем накіроўваць сродкі», — заявіў Аляксандр Лукашэнка.
