Прэзідэнт Беларусі Аляксандр Лукашэнка ад імя Рэспублікі Беларусь падпісаў дакумент аб далучэнні Беларусі да Савета міру і выкананні палажэнняў Статута Савета міру.
У поўнай адпаведнасці з прадугледжанай працэдурай, якая была пазначаная ў лісце Прэзідэнта ЗША Дональда Трампа. Аб падпісанні адпаведнага дакумента Аляксандр Лукашэнка заявіў журналістам, паведаміла БелТА.
«Я падпісаў адпаведны зварот у ЗША, што мы гатовыя прыняць іх прапанову, стаць заснавальнікамі гэтага Савета», — заявіў беларускі лідар.
Прыводзім яго поўны тэкст:
«Маю гонар спаслацца на запрашэнне Старшыні Савета міру ад 16 студзеня 2026 года, якое прапануе згоду Рэспублікі Беларусь быць звязанай са Статутам Савета міру, тэкст якога быў дададзены да гэтага запрашэння Старшыні, — гаворыцца ў дакуменце, фота якога апублікаваў Telegram-канал „Пул Першага“. — Маю гонар таксама паведаміць ураду Злучаных Штатаў Амерыкі ў яго ролі дэпазітарыя Статута, што Рэспубліка Беларусь гэтым прымае Статут Савета міру з даты дадзенага ліста, які ўяўляе сабой афіцыйнае паведамленне Рэспублікі Беларусь аб згодзе быць звязанай Статутам».
