Дакумент прадугледжвае пераразлік працоўных пенсій і іх павышэнне з 1 лютага 2025 года ў сярэднім на 10 %.

На выплату пенсій у лютым гэтага года будзе накіравана каля 2,2 млрд рублёў, з якіх 196 млн рублёў — дадатковыя расходы ў сувязі з павышэннем пенсій згодна з указам.

Як растлумачылі ў Міністэрстве працы і сацыяльнай абароны, памеры пенсій залежаць ад працягласці стажу працы, велічыні мінулага заробку, права на надбаўкі/павышэнні. Пенсіі па ўзросце вылічаюцца ў працэнтных суадносінах 55 % сярэднямесячнага адкарэкціраванага заработку за 20 гадоў стажу работы ў жанчын і 25 гадоў стажу работы ў мужчын. За кожны год стажу звыш названай працягласці пенсія павялічваецца на 1 % (у межах 75 %).