Прэзідэнт Беларусі Аляксандр Лукашэнка падпісаў закон «Аб змяненні законаў па пытаннях дарожнай дзейнасці». Дакумент накіраваны на стварэнне сучаснай прававой базы для забеспячэння эканомікі і насельніцтва якаснымі, бяспечнымі і надзейнымі транспартнымі паслугамі. Пра гэта БелТА паведамілі ў прэс-службе кіраўніка дзяржавы.
Законам вызначаюцца правы, абавязкі і адказнасць уладальнікаў і карыстальнікаў аўтамабільных дарог.
У прыватнасці, ствараецца інфармацыйны фонд у галіне дарожнай дзейнасці для забеспячэння дарожнай гаспадаркі актуальнай інфармацыяй па будаўніцтве і рамонце дарог. Устанаўліваюцца асаблівасці распрацоўкі праектнай дакументацыі, ўзвядзення, рэканструкцыі, эксплуатацыі і капітальнага рамонту аўтадарог, замацоўваюцца прынцыпы фарміравання каштарыснага кошту работ.
Акрамя таго, удакладняецца рэгламент эксплуатацыі аўтамабільных дарог, вызначаюцца правілы арганізацыі і правядзення дыягностыкі аўтадарог і дарожных збудаванняў на іх, а таксама асаблівасці прававога рэгулявання пры ажыццяўленні дарожнай дзейнасці ў дачыненні да аварыйных і перадаварыйных збудаванняў.
