Прэзідэнт Беларусі Аляксандр Лукашэнка павіншаваў Прэзідэнта Адраджэння Рэспублікі Мадагаскар Мікаэля Рандрыянірыну з Днём Незалежнасці — святам, якое сімвалізуе набыццё народам гэтай краіны свабоды ад каланіяльнага ярма і пачатак новага этапа ў гісторыі, заснаванага на нацыянальных прыярытэтах, умацаванні эканомікі і павышэнні дабрабыту людзей. Аб гэтым паведамляе БелТА.
Кіраўнік дзяржавы адзначыў, што дружалюбныя адносіны з Мадагаскарам грунтуюцца на прынцыпах роўнасці і павагі. Беларусь яшчэ паўстагоддзя таму, знаходзячыся ў складзе СССР, аказвала падтрымку Мадагаскару ў розных кірунках сацыяльна-эканамічнага развіцця.
«Перакананы, што актывізацыя ўзаемавыгаднага партнёрства поўнасцю адпавядае інтарэсам абедзвюх краін, і пацвярджаю гатоўнасць да дыялогу на ўсіх узроўнях», — падкрэсліў Прэзідэнт.
Аляксандр Лукашэнка звярнуў увагу, што Беларусь мае паспяховы вопыт рэалізацыі на Афрыканскім кантыненце праектаў, накіраваных на гарантаванне харчовай бяспекі грамадзян, і прапануе Мадагаскару супрацоўніцтва ў галінах механізацыі сельскай гаспадаркі, ахове здароўя, адукацыі, а таксама ў ваенна-тэхнічнай сферы.
Прэзідэнт лічыць важным умацаванне кантактаў на ўзроўні ўрадаў і дзелавых колаў у мэтах надання дынамікі двухбаковаму ўзаемадзеянню.
Аляксандр Лукашэнка пажадаў Мікаэлю Рандрыянірыну здароўя, шчасця і поспехаў, а ўсім жыхарам Мадагаскара — міру і прагрэсу.
