На старт мужчынскага пасьюта на 12,5 км выйшлі 40 біятланістаў, у тым ліку 12 беларусаў. На рубяжах у становішчы лежачы Смольскі зрабіў дзесяць дакладных стрэлаў з дзесяці, узняўшыся з трэцяй стартавай пазіцыі на другую. На першай стойцы лідар беларускай каманды зарабіў два кругі штрафу і апусціўся на чацвёртае месца. Заключную стральбу Антон зноў правёў бездакорна, дзякуючы чаму ўзначаліў гонку. На апошнім крузе Смольскі захаваў лідарства, апярэдзіўшы Савелія Канавалава, які стаў другім, на восем секунд.

Тройку прызёраў замкнуў яшчэ адзін прадстаўнік Расіі Карым Халілі.

Медаль у пасьюце стаў для Смольскага другім у «Раўбічах», напярэдадні Антон узяў бронзу ў спрынце.