«Дзякуючы нястомнай працы некалькіх пакаленняў педагогаў універсітэт з’яўляецца вядомай установай адукацыі ў Беларусі і далёка за яе межамі, — адзначыў кіраўнік дзяржавы. — Працягваючы добрыя традыцыі, вы з гонарам выконваеце задачу па выхаванні сучасных прадстаўнікоў сферы культуры. Вашы выпускнікі — захопленыя справай высокакваліфікаваныя спецыялісты, якія штодзень напаўняюць духоўную скарбніцу нашай краіны стваральным зместам, уносяць уклад у развіццё нацыянальнага мастацтва і дастойна прадстаўляюць сваю Радзіму на міжнароднай арэне».

«Упэўнены, што і ў далейшым ваша дзейнасць будзе такой жа плённай, самаадданай і багатай на новыя здзяйсненні», — падкрэсліў Аляксандр Лукашэнка.

Прэзідэнт Беларусі пажадаў усім моцнага здароўя, шчасця і натхнення.