«Мы па праву ганарымся Айчыннай сістэмай аказання медыцынскай дапамогі маці і дзецям, часткай якой з’яўляецца ваш цэнтр. Тут нараджаецца новае жыццё — найвялікшае шчасце для жанчыны і кожнай сям’і. Ваша дапамога на ўсіх этапах-ад планавання цяжарнасці да выпіскі мамы і малога — неацэнная», — адзначыў Прэзідэнт.

«Будучы прафесіяналамі высокага ўзроўню, адданымі сваёй справе, вы асвойваеце і ўкараняеце новыя тэхналогіі для захавання жыцця і здароўя маці і дзіцяці, дорыце надзею і здзяйсняеце цуд, выходжваючы нованароджаных са складанымі захворваннямі», — гаворыцца ў віншаванні.

Кіраўнік дзяржавы падзякаваў спецыялістам цэнтра за высакародную і важную для дзяржавы працу, адказнае і ўважлівае стаўленне, цярпенне і чуласць.