«Ваш жыццёвы шлях — гэта ўзор высокага прафесіяналізму, адданасці авіяцыі і касманаўтыцы, — гаворыцца ў віншаванні. — Сваёй працавітасцю і мэтанакіраванасцю Вы ўпісалі яркія старонкі ў гісторыю асваення Сусвету, набылі высокі аўтарытэт і вядомасць як на роднай беларускай зямлі, так і далёка за яе межамі».

Прэзідэнт падкрэсліў, што асаблівай удзячнасці заслугоўвае актыўная грамадская работа Алега Навіцкага, накіраваная на ўмацаванне дружбы і супрацоўніцтва паміж брацкімі народамі Беларусі і Расіі, а таксама на развіццё навукова-тэхналагічнага патэнцыялу Саюзнай дзяржавы.

Аляксандр Лукашэнка пажадаў Алегу Навіцкаму і яго блізкім моцнага здароўя, новых дасягненняў, шчасця і дабрабыту.