Прэзідэнт Беларусі Аляксандр Лукашэнка павіншаваў народнага артыста Расійскай Федэрацыі Алега Газманава з днём нараджэння. Аб гэтым БелТА паведамілі ў прэс-службе беларускага лідара.
«Вашы песні аб’ядноўваюць людзей розных пакаленняў і нацыянальнасцяў, напаўняюць сэрцы адданых прыхільнікаў аптымізмам, стваральнай энергіяй і любоўю да Радзімы, — адзначыў кіраўнік дзяржавы. — На беларускай зямлі высока цэняць вялікі ўклад, які Вы ўносіце ва ўмацаванне дружбы і культурных сувязяў нашых брацкіх народаў».
Аляксандр Лукашэнка пажадаў Алегу Газманаву добрага здароўя, ажыццяўлення ўсіх планаў і пачынанняў, шчасця і дабрабыту.
