«Вы прысвяцілі сваё жыццё служэнню мастацтву. Кожная ваша роля ў кінематографе і на тэатральнай сцэне — гэта ўзор прафесіяналізму і бездакорнага мастацкага густу», — гаворыцца ў віншаванні.

Кіраўнік дзяржавы адзначыў, што ў Беларусі Алу Дзямідаву ведаюць і цэняць як выдатную актрысу і неверагодна абаяльную жанчыну, чыя творчасць дорыць людзям радасць і спрыяе ўмацаванню культурных сувязяў з Расіяй.

Аляксандр Лукашэнка пажадаў Але Дзямідавай доўгіх гадоў жыцця, моцнага здароўя, міру і дабра.