Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Папу Рымскага Льва XIV з днём інтранізацыі. Аб гэтым паведамілі ў прэс-службе беларускага лідара.
«Выбранне на пасаду ў гэты няпросты перыяд глабальных супярэчнасцей сёння набывае асаблівае значэнне, — гаворыцца ў віншаванні. — Ваш заклік да міжнароднай супольнасці поўнасцю адпавядае пазіцыі Беларусі, якая заўсёды выступае за мір і згоду паміж народамі. Толькі сумеснымі намаганнямі можна дасягнуць агульных мэт».
Кіраўнік дзяржавы выказаў упэўненасць, што высокая місія Льва XIV на чале Каталіцкай царквы будзе садзейнічаць паглыбленню міжканфесіянальнага дыялога і захаванню хрысціянскіх каштоўнасцей.
Аляксандр Лукашэнка пажадаў Папе Рымскаму здароўя, дабрабыту і Божай ласкі ва ўсіх справах.
Фота: AP Photo
