Кіраўнік дзяржавы адзначыў, што на працягу больш як ста гадоў работнікі органаў статыстыкі захоўваюць нацыянальны фундамент гэтай навукі. Яны ствараюць лічбавую спадчыну краіны, актыўна ўкараняюць перадавую метадалогію і сучасныя IT-рашэнні. 

«Сёння айчынная статыстыка выйшла на прынцыпова новы ўзровень, зрабіўшы ўпэўнены крок за рамкі ўстоянай статыстычнай сістэмы, — гаворыцца ў віншаванні. — Вам даверана найважнейшая місія — фарміраванне інстытута кіравання дзяржаўнымі данымі. Вынікам такой працы павінна стаць істотнае скарачэнне нагрузкі на бізнес, грамадзян і бюджэт».

«За кожнай лічбай стаіць карпатлівая праца згуртаванай каманды прафесіяналаў-аднадумцаў, якая верная традыцыям ветэранаў і натхняе таленавітую, патрыятычную моладзь. Дзякуючы вашай кампетэнтнасці і адданасці справе мы маем надзейны базіс, на якім будуюцца дзяржаўныя прагнозы, прымаюцца вывераныя кіраўнічыя рашэнні і пішацца аб’ектыўны летапіс развіцця нашай рэспублікі», — падкрэсліў Прэзідэнт.

Кіраўнік дзяржавы пажадаў усім работнікам органаў статыстыкі моцнага здароўя, дабрабыту, міру і поспехаў у імя працвітання роднай Беларусі.