«Упэўнены, што ў гэтым годзе Вы сустракаеце сваё свята з асаблівым настроем. Дзякуючы вашай палітычнай мудрасці і цвёрдай волі Азербайджанская Рэспубліка ўпэўнена нарошчвае міжнародны аўтарытэт, дамагаючыся пастаўленых мэтаў», — гаворыцца ў віншаванні.

Кіраўнік дзяржавы падкрэсліў, што ў Беларусі надаюць асаблівае значэнне адносінам стратэгічнага партнёрства з Азербайджанам, а таксама паступальнаму развіццю міждзяржаўнага супрацоўніцтва ў розных галінах.

«Цаню даверныя кантакты і ўзаемную падтрымку на шматбаковых пляцоўках, а таксама вашу ўвагу да паглыблення беларуска-азербайджанскага дыялогу на ўсіх узроўнях», — падкрэсліў Прэзідэнт.

Аляксандр Лукашэнка пажадаў Ільхаму Аліеву моцнага здароўя, шчасця і новых дасягненняў на карысць азербайджанскага народа.