«Чвэрць стагоддзя ў гэтых сценах карпатліва і з любоўю пішацца гісторыя сучаснага падыходу да рэабілітацыі дзяцей з асаблівымі патрэбнасцямі, — гаворыцца ў віншаванні. — Такая няпростая, але вельмі важная праца патрабуе акрамя прафесійнага майстэрства выключнай дабрыні і сардэчнасці. Ваша з’яднаная каманда штодзённа стварае атмасферу даверу і клопату, у якой так маюць патрэбу вашы выхаванцы, дапамагаючы ім не толькі ў лячэнні і рэабілітацыі, але і ў набыцці веры ў сябе і свае сілы».

Прэзідэнт адзначыў, што работнікі ўстановы сустракаюць свята, абапіраючыся на трывалы фундамент для далейшага росту: вялікі вопыт, адданасць справе і пастаяннае ўкараненне самых перадавых практык.

Аляксандр Лукашэнка пажадаў цэнтру паспяховай рэалізацыі ўсіх праектаў, а калектыву — невычэрпных сіл і натхнення ў высакароднай працы. «Няхай і ў далейшым вашы дасягненні служаць адной з важнейшых мэт развіцця дзяржавы — стварэнню ўмоў для паўнацэннай інтэграцыі дзяцей з інваліднасцю ў розныя сферы жыцця грамадства», — рэзюмаваў беларускі лідар.