«Ваша работа — гэта сапраўднае служэнне людзям, якое патрабуе найвышэйшай самааддачы і душэўнай шчодрасці, — гаворыцца ў віншаванні. — Беларуская сістэма сацыяльнай абароны сёння дынамічна развіваецца: укараняюцца новыя лічбавыя тэхналогіі, удасканальваюцца механізмы аказання дапамогі, пашыраюцца праграмы падтрымкі. Аднак нязменным застаецца галоўны прынцып — індывідуальны падыход і ўвага да кожнага чалавека».

Прэзідэнт выказаў шчырую падзяку вялікаму калектыву работнікаў органаў і арганізацый сістэмы сацыяльнай абароны за вернасць прафесійнаму абавязку, за чулыя сэрцы і пастаянную гатоўнасць прыйсці на дапамогу тым, хто ў ёй мае патрэбу.

«Жадаю вам моцнага здароўя і шчасця. Няхай ваша праца будзе напоўнена радасцю ад усведамлення таго, што вы робіце свет вакол лепш, саграваючы сваіх падапечных дабрынёй і клопатам», — сказаў на заканчэнне кіраўнік дзяржавы.