«Ваша краіна з’яўляецца для Рэспублікі Беларусь добрым сябрам і перспектыўным партнёрам у Паўднёвай Амерыцы, з якім мы падтрымліваем канструктыўныя ўзаемапаважлівыя адносіны. Упэўнены ў значным патэнцыяле двухбаковага супрацоўніцтва ў гандлёва-эканамічнай, навукова-тэхнічнай, гуманітарнай і іншых сферах узаемнай цікавасці, што можа быць паспяхова выкарыстана толькі сумеснымі намаганнямі і пры палітычнай падтрымцы абедзвюх дзяржаў», — гаворыцца ў віншаванні.

«Беларусь гатова да рэальнай актывізацыі плённага дыялогу з Балівіяй. Спадзяюся, што ў найбліжэйшы час мы зможам надаць беларуска-балівійскім адносінам якасна новае напаўненне», — адзначыў Аляксандр Лукашэнка.

Прэзідэнт Беларусі пажадаў балівійскаму калегу здароўя, невычэрпнай энергіі і поспехаў на адказнай дзяржаўнай пасадзе, а дружалюбнаму народу Балівіі — міру і дабрабыту.