Дарагія суайчыннікі!

Віншую вас з 81-й гадавінай Перамогі савецкага народа ў Вялікай Айчыннай вайне.

9 мая 1945 года назаўсёды стала свяшчэннай для кожнага беларуса датай, якая нагадвае аб вялікім подзвігу воінаў Чырвонай Арміі, партызан і падпольшчыкаў — нашых дзядоў і прадзедаў, што прынеслі мір і свабоду на родную зямлю і ўсяму чалавецтву.

Сёння мы ўсё больш усведамляем адказнасць за захаванне крохкай бяспекі на планеце, каб не паўтарыць трагедыю мінулага.

Таму Беларусь заклікае ўсе дзяржавы да дыялогу замест канфліктаў, да развіцця замест разбурэння, да захавання спадчыны Вялікай Перамогі ў імя шчаслівай будучыні новых пакаленняў.

Наш абавязак — быць вартымі памяці гераічных продкаў, якія змаглі выстаяць у суровых выпрабаваннях, знішчыць фашызм і ўзняць з руін зраненую краіну.

Нізкі паклон дарагім ветэранам, вечная памяць загінулым патрыётам і бязвінным ахвярам бязлітаснай вайны.

Перакананы, што праўда аб Вялікай Перамозе і надалей будзе той высокай маральнай ісцінай, якая звязвае пакаленні, вызначае каштоўнасці, аб’ядноўвае і натхняе на стваральную працу.

Жадаю вам моцнага здароўя, дабра і дабрабыту.

З Днём Перамогі!

Прэзідэнт Рэспублікі Беларусь 

Аляксандр Лукашэнка