«Зямля — наша нацыянальнае багацце. Ад эфектыўнасці яго выкарыстання шмат у чым залежаць устойлівае развіццё краіны і рост узроўню жыцця людзей», — гаворыцца ў віншаванні.

Кіраўнік дзяржавы адзначыў, што за тры з паловай дзесяцігоддзі Дзяржкаммаёмасцю праведзена велізарная работа па станаўленні і ўмацаванні сістэмы кіравання дзяржуласнасцю, рэалізацыі адзінай палітыкі ў галіне геадэзічнай, картаграфічнай і ацэначнай дзейнасці, маёмасных і зямельных адносін.

«Перакананы, што і ў далейшым вялікі і дружны калектыў усіх арганізацый сістэмы Дзяржкаммаёмасці будзе забяспечваць захаванне эканамічных інтарэсаў краіны, ствараючы ўмовы для рацыянальнага выкарыстання яе актываў, — падкрэсліў Аляксандр Лукашэнка. — Няхай ваша працавітасць і разумная ініцыятыва дапамагаюць у прыняцці ўзважаных рашэнняў на карысць Беларусі і яе народа».

Прэзідэнт пажадаў добрага здароўя, шчасця і прафесійных поспехаў.