Віншавальныя пасланні накіраваны прэзідэнтам Казахстана, Кыргызстана, Таджыкістана, Туркменістана, Узбекістана.

Аляксандр Лукашэнка адзначыў, што свята Наўруз напаўняе сэрцы людзей цяплом, радасцю, шчасцем і надзеяй на светлую будучыню. Кіраўнік дзяржавы падкрэсліў, што Беларусь, падзяляючы закладзеныя ў гэтым свяце ідэалы ўзаемнай павагі і канструктыўнага ўзаемадзеяння, паслядоўна ўмацоўвае адносіны дружбы і партнёрства з гэтымі краінамі. Прэзідэнт перакананы, што развіццё міждзяржаўнага дыялогу і практычнага супрацоўніцтва будзе і ў далейшым служыць інтарэсам грамадзян і падтрыманню стабільнасці ў Еўразіі.

Кіраўнік дзяржавы пажадаў замежным лідарам здароўя, невычэрпнай энергіі і поспехаў у адказнай дзейнасці, а жыхарам гэтых краін — міру і згоды.