«Вам давялося жыць і працаваць у няпростыя часы. У навейшую гісторыю Расіі Вы ўвайшлі як яркі дзяржаўны дзеяч, які адстойвае агульныя, а не асабістыя інтарэсы. Шмат гадоў Вы паслядоўна выступаеце за правядзенне сацыяльна арыентаванай палітыкі, захаванне гістарычнай памяці, духоўна-культурных каштоўнасцяў і традыцый народа Расійскай Федэрацыі», — гаворыцца ў віншаванні.

Аляксандр Лукашэнка адзначыў, што высока цэніць намаганні Генадзя Зюганава, накіраваныя на падтрымку беларуска-расійскага саюзнага будаўніцтва, яго прынцыповую пазіцыю ў пытаннях умацавання брацкай сувязі паміж народамі дзвюх краін.

«Упэўнены, што Ваш вялікі аўтарытэт, прыродны талент, жыццёвая мудрасць і невычэрпная энергія яшчэ доўга будуць служыць высакароднай справе беларуска-расійскага яднання», — падкрэсліў Прэзідэнт.

Кіраўнік дзяржавы пажадаў Генадзю Зюганаву моцнага здароўя, сілы духу, шчасця і ўдачы.