Кіраўнік дзяржавы адзначыў, што незалежнасць — гэта не толькі ўнікальная каштоўнасць, якая дазваляе ажыццявіць мару народа аб светлай будучыні сваёй краіны, але і вялікая адказнасць за дасягненне пастаўленай мэты.

«Імкненне жыхароў Латвіі да захавання нацыянальнай самабытнасці, жыцця ў міры і згодзе з суседзямі дзесяцігоддзямі спрыяла ўмацаванню добразычлівых адносін паміж нашымі дзяржавамі. Мы разам працавалі, знаходзілі магчымасці для ўзаемавыгаднага супрацоўніцтва. Беларусы цэняць гэта і заўсёды рады новым сустрэчам», — гаворыцца ў віншаванні.

Прэзідэнт выказаў упэўненасць, што, нягледзячы на няўдалыя спробы асобных палітыкаў сілком абмежаваць беларуска-латвійскія гуманітарныя кантакты, удасца пераадолець любыя складанасці і захаваць адносіны добрасуседства, заснаваныя на ўзаемнай падтрымцы і павазе.

Аляксандр Лукашэнка пажадаў народу Латвіі шчасця і дабрабыту, а таксама запрасіў у гасцінную Беларусь.