Кіраўнік дзяржавы пацікавіўся, як ідзе сяўба азімых у Мінскай вобласці. Даложана, што пасеяна ўжо 70% ад запланаваных плошчаў. Завяршыць сяўбу плануюць да 5 кастрычніка.

«Перш чым пра лес будзем гаварыць (Прэзідэнт прыехаў на прадпрыемства „АМКАДОР-ЛЕСМАШ“. — Заўв. БелТА), трэба разумець, што сеяць цяпер трэба імгненна. Не аператыўна, не хутка — проста імгненна», — падкрэсліў беларускі лідар.

Аляксандр Лукашэнка звярнуў увагу, што ў аграрыяў з улікам надвор’я ёсць усяго каля тыдня ў запасе, каб правесці сяўбу ў агратэхнічныя тэрміны і каб пасевы паспелі потым даць добрыя ўсходы.