Тэлефонная размова Прэзідэнта Беларусі Аляксандра Лукашэнкі з Прэзідэнтам Ірана Масудам Пезешкіянам адбылася 30 красавіка па ініцыятыве іранскага боку. Аб гэтым паведамляе БелТА.
Масуд Пезешкіян праінфармаваў кіраўніка беларускай дзяржавы аб сітуацыі ў рэгіёне Персідскага заліва, а таксама аб пазіцыі афіцыйнага Тэгерана на перагаворах са Злучанымі Штатамі Амерыкі. Суразмоўцы канстатавалі, што галоўным каменем спатыкнення для выпрацоўкі мірных дамоўленасцяў выступае адсутнасць даверу.
Беларускі лідар падкрэсліў зацікаўленасць нашай краіны ў больш хуткім урэгуляванні канфлікту. У сваю чаргу Прэзідэнт Ірана падзякаваў Аляксандру Лукашэнку за прынцыповую і паслядоўную пазіцыю.
