Звяртаючыся да ўдзельнікаў цырымоніі, у ліку якіх урачы, супрацоўнікі бальніцы і будаўнікі, Прэзідэнт падкрэсліў, што гэта медыцынскі комплекс Сучасны, сусветнага ўзроўню. Ён зроблены без празмернасцяў, але аптымальна для аказання якаснай дапамогі. «Гэтая бальніца звернутая ў будучыню», — заявіў Аляксандр Лукашэнка.
Кіраўнік дзяржавы перадаў галоўнаму лекару стацыянара сімвалічны ключ ад будынка і разам з іншымі ўдзельнікамі цырымоніі перарэзаў чырвоную стужачку.
Новая бальніца на праспекце Я. Купалы ў Гродне разлічана на 504 ложкі і замяняе ложкавы фонд двух старых бальніц. Яна таксама будзе функцыянаваць ва ўвязцы з бальніцай № 4, што дазволіць рацыянальна выкарыстоўваць ложкавы фонд устаноў аховы здароўя горада і выключыць дубляванне. Тут будуць сканцэнтраваны ў асноўным аддзялення тэрапеўтычнага профілю.
Статус абласной бальніцы дасць магчымасць больш эфектыўна выконваць адну з галоўных задач, якія стаяць перад аховай здароўя рэгіёна — стварэнне роўных магчымасцей для гарадскога і сельскага насельніцтва ў атрыманні даступнай, якаснай і бяспечнай медыцынскай дапамогі, у тым ліку спецыялізаванай і высокатэхналагічнай, у сучасных камфортных умовах.
Аб’ект спраектаваны без празмернасцяў, але з улікам вопыту работы медыцынскіх устаноў у пандэмію каранавіруса. У бальніцы чатыры асобных крыла, што дазваляе без праблем падзяляць іх пры неабходнасці.
Узвядзенне новага аб’екта аховы здароўя пачалося ў 2024 годзе. У красавіку таго года Прэзідэнт прыязджаў на месца будаўніцтва клінікі і заклаў капсулу з пасланнем будучым пакаленням. Тады кіраўнік дзяржавы даручыў паскорыцца і справіцца за больш сціснутыя тэрміны. У выніку замест меркаваных больш чым 4 гадоў бальніцу пабудавалі за 2 гады.
Новая клініка спатрэбілася ў сувязі з комплекснай аптымізацыяй ложкавага фонду двух іншых бальніц Гродна, якія размяшчаліся ў старых будынках, якія не адпавядаюць сучасным патрабаванням. Гаворка пра ГКБ № 2 і № 3. У будынку апошняй, дарэчы, зараз вядзецца будаўніцтва Гродзенскага абласнога клінічнага анкалагічнага дыспансера на 312 ложкаў.
