Кіраўніку дзяржавы ў полі ў Мінскім раёне прадэманструюць у рабоце эксперыментальны ўзор энерганасычанага трактара BELARUS-5425 8-га цягавага класа магутнасцю 542 к.с. На сённяшні дзень гэта самы магутны трактар у класічнай кампаноўцы. Па сваім тэхнічным узроўні ён адпавядае ўсім тэндэнцыям сучаснага трактарабудавання і закліканы скласці канкурэнцыю аналагічным замежным мадэлям. Ён у тым ліку абсталяваны прыладай пераключэння перадач без разрыву патоку магутнасці, высокапрадукцыйнай гідрасістэмай і сістэмай аўтаматычнага кіравання. Паліўны бак на 900 л забяспечвае бесперапыннасць працы на працягу 10 гадзін. Трактар таксама абсталяваны пярэдняй і задняй навяснымі прыладамі грузападымальнасцю 5,5 т і 12 т.

Трактар створаны на аснове айчынных камплектуючых. Доля камплектуючых вырабаў уласнай вытворчасці МТЗ складае 76,9%, вытворчасці іншых прадпрыемстваў рэспублікі — 15,8%, вытворчасці прадпрыемстваў СНД — 1,8%, камплектуючыя вырабы пастаўкі з далёкага замежжа — 5,5%.

Увазе кіраўніка дзяржавы таксама прадставяць прычапныя агрэгаты да дадзенага трактара: плуг напаўнавясны абаротны 14-корпусны вытворчасці ААТ «Мінойтаўскі рамонтны завод»; пнеўматычная збожжавая сеялка вытворчасці ААТ «Лідаграпраммаш»; паўпрычэп спецыяльны гаспадарчы вытворчасці ААТ «Воранаўская сельгастэхніка».

Сам трактар будзе выконваць работы з агрэгатам глебаапрацоўчым шматфункцыянальным АПМ — 12 вытворчасці СТАА «Элезер».