Прэзідэнт Беларусі Аляксандр Лукашэнка павіншаваў народ Чарнагорыі з нацыянальным святам — Днём дзяржаўнасці. Аб гэтым паведамілі ў прэс-службе беларускага лідара.
«Нягледзячы на сучасныя складаныя геапалітычныя ўмовы, традыцыйныя духоўныя і культурныя сувязі нашых славянскіх народаў з’яўляюцца трывалым фундаментам для плённага супрацоўніцтва Беларусі і Чарнагорыі дзеля дабрабыту і працвітання грамадзян абедзвюх краін», — гаворыцца ў віншаванні.
Аляксандр Лукашэнка пажадаў усім чарнагорцам згоды, квітнеючай будучыні і стабільнасці ў грамадстве.
