Прэзідэнт Беларусі Аляксандр Лукашэнка з іроніяй паставіўся да санкцый з боку Эстоніі, якія ўключаюць забарону на ўезд у краіну. Пра гэта ТАСС паведаміла прэс-сакратар прэзідэнта Наталля Эйсмант.

«Магу расказаць пра рэакцыю прэзідэнта на гэтую сённяшнюю «гучную» навіну. Літаральна і даслоўна прэзідэнт сказаў так: «Ніколі, „на жаль“, не быў у Эстоніі... І пасля ўвядзення санкцый усё думаю — ці выжыву?» — расказала Эйсмант.

Урад Эстоніі прыняў рашэнне ўвесці бестэрміновую забарону на ўезд у краіну ў дачыненні да 273 грамадзян Беларусі, уключаючы прэзідэнта рэспублікі Аляксандра Лукашэнку.