«Мінск высока цэніць паслядоўны курс Пекіна на міжнароднай арэне, накіраваны на падтрыманне глабальнай стабільнасці. Пад вашым кіраўніцтвам Кітай упэўнена рухаецца да ўсебаковага адраджэння вялікай кітайскай нацыі, дэманструе ўражальныя поспехі ў развіцці прадукцыйных сіл новай якасці, умацаванні тэхналагічнага суверэнітэту і мадэрнізацыі эканомікі», — гаворыцца ў віншаванні.

Кіраўнік дзяржавы падкрэсліў, што ўзаемаадносіны Беларусі і Кітая знаходзяцца на беспрэцэдэнтным узроўні, вядзецца інтэнсіўны палітычны дыялог. «Разам з ростам тавараабароту пашыраецца інвестыцыйнае супрацоўніцтва, рэалізуюцца важныя для нашых краін праекты прамысловай кааперацыі. Актывізацыя гуманітарных і культурных кантактаў таксама пацвярджае трываласць усепагоднага стратэгічнага партнёрства», — адзначыў беларускі лідар.

Напапярэдні 35-годдзя ўстанаўлення дыпламатычных адносін дзвюх краін Аляксандр Лукашэнка ўзнавіў запрашэнне Сі Цзіньпіну наведаць Беларусь з афіцыйным візітам у наступным годзе. «Ваш прыезд надасць юбілею асаблівы сімвалізм і стане пунктам адліку для новага этапу беларуска-кітайскіх адносін», — падкрэсліў кіраўнік дзяржавы.

Прэзідэнт Беларусі пажадаў Старшыні КНР добрага здароўя і дабрабыту, а брацкаму народу Кітая — шчасця і працвітання.