Прэзідэнт Беларусі Аляксандр Лукашэнка заслухаў даклад міністра па надзвычайных сітуацыях Вадзіма Сіняўскага, паведамілі ў прэс-службе беларускага лідара.

Кіраўнік дзяржавы быў падрабязна праінфармаваны аб наступствах моцнага ветру на тэрыторыі краіны 5-6 верасня. Было адзначана, што стыхія не стала прычынай сур’ёзных праблем. 

Каля 280 населеных пунктаў сутыкнуліся з перабоямі электразабеспячэння, на працягу сутак энергетыкі цалкам яго аднавілі. Таксама моцны вецер прывёў да падзення дрэў, для іх своечасовай уборкі падключаліся падраздзяленні МНС. У Мінску пры падзенні каркаснай палаткі пацярпелі тры дзіцяці, ім аказана ўся неабходная дапамога.

Аляксандр Лукашэнка падчас даклада актуалізаваў задачы, якія датычацца не толькі барацьбы з наступствамі непагадзі, але і своечасовага яе прагназавання для мінімізацыі магчымай шкоды. Увага таксама была ўдзелена ўзаемадзеянню МНС з усімі зацікаўленымі ведамствамі для выканання задач па барацьбе са стыхіяй.

У цяперашні час МНС вядзе падрыхтоўку да асенне-зімовага перыяду. Тэмпература будзе зніжацца, што прывядзе да выкарыстання ацяпляльных прыбораў у прыватных дамах. У сувязі з магчымым ростам колькасці пажараў у жыллёвым фондзе ратавальнае ведамства праводзіць комплекс прафілактычных мер.

Даслоўна

«МНС пастаўлена задача своечасова прагназаваць і рэагаваць на ўсе надзвычайныя сітуацыі»

Даклад Прэзідэнту заключаўся ў тым, што краіна ў чарговы раз спраўляецца з усімі наступствамі непагадзі, якія б яны ні былі, паведаміў у размове з журналістамі міністр па надзвычайных сітуацыях Вадзім Сіняўскі. «Кіраўнік дзяржавы звярнуў увагу на тое, што Міністэрству па надзвычайных сітуацыях пастаўлена задача своечасова прагназаваць і рэагаваць на ўсе надзвычайныя сітуацыі, каб абараніць насельніцтва, аказаць неабходную дапамогу ў выпадку ўзнікнення няштатных сітуацый і забяспечыць належнае рэагаванне на аб’ектах эканомікі», — адзначыў кіраўнік ведамства.

Вадзім Сіняўскі таксама праінфармаваў кіраўніка дзяржавы аб тым, што за мінулы тыдзень ніякіх маштабных праблем не было, аднак 5-6 верасня фіксаваўся дастаткова сур’ёзны вецер у шэрагу рэгіёнаў краіны. У першую чаргу — у Віцебскай і Мінскай абласцях, у сталіцы і па поўдні краіны. «279 населеных пунктаў перыядычна адключаліся ад электразабеспячэння, — канкрэтызаваў міністр. — Нашы энергетыкі своечасова з гэтым спраўляліся і на працягу сутак вырашылі ўсе задачы па падключэнні электразабеспячэння па ўсіх населеных пунктах краіны».

Акрамя таго, была звернута ўвага на здольнасць краіны належным чынам прагназаваць надзвычайныя сітуацыі, забяспечваць гатоўнасць сіл і сродкаў па рэагаванні, у першую чаргу МНС. «Я далажыў Прэзідэнту, як мы забяспечылі гэтыя мерапрыемствы і якія наступствы былі. Пацярпелі тры дзіцяці ў горадзе Мінску, калі ўпала каркасная палатка падчас правядзення мерапрыемства ў парку імя М. Горкага. Дзяўчынкам была аказана своечасовая дапамога. У шпіталізацыі яны не мелі патрэбы, былі адпушчаныя дадому», — удакладніў Вадзім Сіняўскі.

Былі таксама зафіксаваныя факты падзення дрэў, з-за чаго па краіне пацярпелі 5 аўтамабіляў. «Своечасовае апавяшчэнне дазваляе людзям своечасова прымаць меры па мінімізацыі наступстваў сур’ёзных парываў ветру, — падкрэсліў міністр. — Разлічваю, што і далей мы будзем знаходзіць належнае ўзаемадзеянне з усімі зацікаўленымі». Вадзім Сіняўскі падзякаваў СМІ за садзейнічанне ў гэтай працы.

Кіраўнік ведамства таксама звярнуў увагу, што ў свеце рэгулярна адбываюцца розныя прыродныя бедствы, такія, як анамальная спякота, якая забрала тысячы жыццяў у Еўропе або маштабны апоўзень у Непале, які пацягнуў шматлікія людскія ахвяры, разбурэнне жылля і інфраструктуры. У сувязі з гэтым важная здольнасць дзяржавы своечасова прагназаваць і належным чынам рэагаваць нават на нязначныя надзвычайныя сітуацыі, што і адбываецца ў Беларусі. «Кіраўніка дзяржавы гэтыя пытанні цікавілі. Я яго запэўніў, што МНС здольна выконваць усе задачы па прызначэнні», — заявіў Вадзім Сіняўскі.

Акрамя таго, МНС у бліжэйшы час мае намер надаць павышаную ўвагу прафілактыцы пажараў у жылым фондзе. Міністр адзначыў, што з паніжэннем тэмпературнага рэжыму восенню насельніцтва пачынае больш актыўна выкарыстоўваць як печы, якія абаграваюцца дрывамі, так і ацяпляльныя прыборы, што працуюць на электрычнасці. 

«Чакаем сур’ёзнае ўскладненне сітуацыі з пажаранебяспекай і паслядоўна выконваем комплекс прафілактычных мер, накіраваных на недапушчэнне пажараў у селішчах грамадзян. Літаральна заўтра адбудзецца чарговая аператыўная нарада, звернем увагу на здольнасць нашых падраздзяленняў у правядзенні гэтых мерапрыемстваў», — дадаў Вадзім Сіняўскі.

У першую чаргу падчас прафілактычных мерапрыемстваў, працягнуў кіраўнік ведамства, нададуць увагу і пры неабходнасці акажуць дапамогу адзінока пражываючым пажылым людзям, шматдзетным сем’ям. На асаблівым кантролі таксама катэгорыя грамадзян, якія злоўжываюць алкаголем, чые паводзіны стварае дадатковыя рызыкі ўзнікнення надзвычайных сітуацый. 

Данііл ХМЯЛЬНІЦКІ

Фота БелТА