Карэкціроўка Падатковага кодэкса на 2026 год не прадугледжвае кардынальных змен і абумоўлена неабходнасцю кропкавай данастройкі сістэмы, накіраванай на павышэнне справядлівасці падаткаабкладання. Для пераважнай большасці грамадзян і арганізацый падатковая нагрузка ў рэальным вылічэнні застаецца ранейшай.

Што датычыцца грамадзян, пашыраецца прагрэсіўная шкала падаходнага падатку: базавая стаўка 13 % захоўваецца для больш чым 98 % працуючых, павышаныя стаўкі 25 % (дзейнічае з 2025 года) і 30 % прымяняюцца толькі да звышвысокіх даходаў. Пры гэтым парог для прымянення стаўкі 25 % павялічаны з Br220 тыс. да Br350 тыс. у год. Для дывідэндаў захоўваецца асобная шкала - 13 % і 25 %.

Уводзяцца таксама павышальныя каэфіцыенты па падатку на нерухомасць для буйных дамоў і кватэр, павялічваецца падатак на магутныя матацыклы прэміум-класа.

Для арганізацый адмяняюцца асобныя неэфектыўныя льготы, выраўноўваюцца стаўкі ў ігральнай галіне, карэктуюцца стаўкі для асобных катэгорый плацельшчыкаў. Па шэрагу сацыяльна значных тавараў зніжаецца ПДВ.

Стаўкі акцызаў і шэрагу іншых падаткаў індэксуюцца ў асноўным на ўзровень інфляцыі.