«Узровень задач, тэмп іх пастаноўкі і выканання — усё гэта абумоўлена сур’ёзнасцю геапалітычнай абстаноўкі, падзеямі, якія пагаршаюцца, і пагрозамі, якія фарміруюцца ў непасрэднай блізкасці да нашых граніц. І не толькі да нашых граніц», — заявіў Аляксандр Лукашэнка.

Прэзідэнт звярнуў увагу на дастаткова шырокае кола лідараў іншых дзяржаў, з якімі ён добра знаёмы і рэгулярна кантактуе. Гэта разам са шматгадовым вопытам працы дазваляе скласці меркаванне аб міжнароднай абстаноўцы і падзеях, якія разгортваюцца ў свеце.

«Я чалавек дасведчаны. Вы ведаеце, што мы вядзём перагаворы з амерыканцамі. І досвед майго жыцця і работы, у тым ліку службы ў войску, дапамагае мне зрабіць адпаведныя высновы з усмешак, абдымак, цалавашак і іншае з амерыканцамі аж да Карэйскай Народна-Дэмакратычнай Рэспублікі. Я ўжо не гавару пра Кітай і Расію. У мяне даўнія адносіны з кіраўніцтвам (гэтых краін. — Заўв. БелТА) і не толькі з кіраўніцтвам», — дадаў Аляксандр Лукашэнка.