Top.Mail.Ru

Лукашэнка: злучэнні і воінскія часці ракетных войск і артылерыі — аснова агнявой моцы арміі

Прэзідэнт Беларусі Аляксандр Лукашэнка павіншаваў ваеннаслужачых і ветэранаў ракетных войск і артылерыі Узброеных Сіл з прафесійным святам — Днём ракетных войск і артылерыі. Пра гэта БелТА паведамілі ў прэс-службе беларускага лідара.



«Беларускія артылерысты і ракетчыкі — годныя спадкаемцы славы пакалення ветэранаў-франтавікоў, якія адстаялі нашу свабоду і незалежнасць у гады Вялікай Айчыннай вайны. Іх вызначае жалезная вытрымка, дакладнасць разлікаў, глыбокія веды і зладжанасць работы ў любых умовах», — гаворыцца ў віншаванні.

Кіраўнік дзяржавы адзначыў, што злучэнні і воінскія часці ракетных войск і артылерыі Узброеных Сіл Беларусі сёння складаюць аснову агнявой моцы арміі. «Вопыт ваенных канфліктаў пацвярджае, што значэнне роду войск у сучаснай вайне будзе толькі ўзрастаць, а бездакорнае валоданне найскладанейшым узбраеннем з’яўляецца самай надзейнай гарантыяй суверэнітэту нашай дзяржавы і мірнай працы беларускага народа», — падкрэсліў ён.

«Асаблівыя словы падзякі — ветэранам-ракетчыкам і артылерыстам, чые адданасць прафесіі і вернасць воінскаму абавязку служаць дастойным прыкладам для маладога пакалення», — дадаў Аляксандр Лукашэнка.


Прэзідэнт падзякаваў артылерыстам і ракетчыкам за службу, пажадаў усім моцнага здароўя, шчасця, дабра і дабрабыту, а таксама дасягнення новых прафесійных вышынь у ратнай працы на карысць Беларусі.

arrow
Нашы выданні

Толькі самае цікавае — па-беларуску!

Напішыце ў рэдакцыю