Узнагароды ўдастоены дырэктар ЗАТ «Сатурн — 1 г. Жыткавічы» Міхаіл Саскевіч, загадчыца філіяла «Тонежскі сельскі дом культуры» Лельчыцкага раённага цэнтра культуры і народнай творчасці Тамара Прыбалавец, генеральны дырэктар ААТ «Савушкін прадукт» Аляксандр Саўчыц і кіраўнік заслужанага аматарскага калектыву Рэспублікі Беларусь народнага ансамбля песні і танца «Палескія зоры» імя М. В. Цурканава Пінскага гарадскога Дома культуры Сяргей Паддубны. Усе яны выхадцы з Палесся, тут пачыналася іх прафесійнае, творчае станаўленне, а многія звязалі з рэгіёнам сваё далейшае жыццё.

Ва ўрачыстай абстаноўцы ім уручаны сімвалічныя статуэткі ў выглядзе фігуры каларытнага жыхара Палесся.

Традыцыя прысуджаць званне «Ганаровы паляшук» вядомым дзеячам, чыё жыццё ці праца цесна звязаны з беларускім Палессем, існуе з 2014 года. Першым яго ўладальнікам стаў Прэзідэнт Беларусі Аляксандр Лукашэнка. У розныя гады звання ўдастойваліся прадстаўнікі розных сфер дзейнасці: культуры, навукі, прамысловасці, спорту, дзяржкіравання і іншых — усяго 18 чалавек.