На ферме па ўтрыманні і гадоўлі племянных коз Магілёўскага дзяржплемпрадпрыемства Прэзідэнту Беларусі Аляксандру Лукашэнку падарылі дзвюх коз — зааненскай і альпійскай парод, перадае БелТА.

• Абедзве асобіны выведзены тут жа, на ферме, іх узрост 4,5 і 5 месяцаў. Найбольшы сутачны надой у адной 3,7 кг (зааненскай пароды), у другой, альпійскай, — каля 4,6 кг.

Зааненская парода коз вядомая па ўсім свеце. Яе вызначае белая поўсць, высокая прадукцыйнасць, даволі буйны памер і адсутнасць рагоў. Колькасць малака, якую яны даюць, адрозніваецца ў залежнасці ад умоў утрымання. У нашай краіне гэта прыкладна 700-1200 л у год.

Альпійская парода, як і зааненская, адносіцца да найбольш распаўсюджаных у свеце. Але асобіны гэтай пароды, у адрозненне ад папярэдняй, могуць быць разнастайнай афарбоўкі. Іх прадукцыйнасць таксама даволі высокая — у сярэднім каля 800 літраў за год. Характар ​​жывёл падатлівы, яны непатрабавальныя да ўмоў утрымання і здольныя пераносіць нават суровыя ўмовы надвор’я.

Малако коз абедзвюх парод не мае спецыфічнага паху і па смаку практычна не адрозніваецца ад каровінага.

Усяго на ферме ўтрымліваюцца 687 жывёл, у тым ліку 394 казы матачнага пагалоўя, 17 казлоў-вытворцаў і 276 галоў маладняку.