Візіт Цін Аун Сана ў Беларусь праходзіць упершыню. Аляксандр Вальфовіч паведаміў, што літаральна тры месяцы таму сустракаўся з ім у Маскве на міжнароднай канферэнцыі, падчас якой запрасіў наведаць нашу краіну. Візіт госця праходзіць пасля афіцыйнага візіту ў Беларусь Прэзідэнта М’янмы Мін Аун Хлайна, які адбыўся ў жніўні.

На сённяшняй сустрэчы абмяркоўвалася ў тым ліку рэалізацыя дасягнутых раней дамоўленасцей у розных сферах: эканоміцы, сельскай гаспадарцы — гэты напрамак вельмі цікавіў м’янманскі бок. У цэнтры ўвагі былі таксама пытанні ў сферы бяспекі. 

«Адбыўся даволі шырокі абмен думкамі па поглядах на міжнародную абстаноўку, фарміраванне шматпалярнага свету, на тыя выклікі, рызыкі, пагрозы, якія адчуваюць у большай ступені малыя дзяржавы ў адносінах да сябе, на сучасныя пагрозы, перш за ўсё кіберпагрозы, пагрозы, звязаныя з наркагандлем, гандлем людзьмі — сёння гэта праблема для Рэспублікі М’янма», — сказаў Аляксандр Вальфовіч.

«Самы галоўны, напэўна, вынік нашай размовы, што мы намецілі далейшыя шляхі ўзаемадзеяння, і гэта сапраўды будзе спрыяць больш цеснаму стаўленню паміж нашымі краінамі», — адзначыў Аляксандр Вальфовіч.