Надзвычайны і Паўнамоцны Пасол Беларусі ў Венесуэле і Калумбіі па сумяшчальніцтве Дзмітрый Дзеравінскі сустрэўся з міністрам гандлю, прамысловасці і турызму Калумбіі Дзіянай Марселай Маралес Рохас. Аб гэтым БелТА паведамілі ў беларускім Міністэрстве замежных спраў.
Субяседнікі абмеркавалі стан і перспектыўныя напрамкі беларуска-калумбійскага гандлёва-эканамічнага супрацоўніцтва, патэнцыял прамысловай кааперацыі, а таксама мадальнасці ўзаемадзеяння ў сферы турызму.
Асаблівую ўвагу яны ўдзялілі прапрацоўцы канкрэтных мерапрыемстваў на бліжэйшую перспектыву.
