Магілёўскі ЦАР стаў бронзавым прызёрам розыгрышу Кубка еўрапейскіх чэмпіёнаў у партугальскім Назары, паведамляе БелТА.

У паядынку за трэцяе месца чэмпіёны Беларусі адолелі іспанскую «Марбельлю».

• Асноўны час завяршыўся ўнічыю — 2:2, авертайм таксама не выявіў пераможцу, і матч перайшоў у серыю пенальці, дзе беларусы аказаліся мацнейшымі — 5:4.

У складзе магілёўскай каманды выступаюць адразу сем гульцоў, якія заваявалі серабро на нядаўнім чэмпіянаце свету на Сейшэлах: Вадзім Бокач, Уладзімір Усціновіч, Юрый Пятроўскі, Іван Канстанцінаў, Арцемій Дрозд, Міхаіл Аўгустоў і Ягор Гардзецкі.