Прэзідэнт Беларусі Аляксандр Лукашэнка пасля нефармальнай сустрэчы кіраўнікоў дзяржаў — удзельніц СНД адказаў на пытанне аб тым, колькі ракетных комплексаў «Арэшнік» атрымала Беларусь, паведамляе БелТА.
«Далі вам дзясятак (комплексаў „Арэшнік“ — Заўв. БелТА), як вы прасілі ў Прэзідэнта (Расіі. — Заўв. БелТА)?» — спытаў журналіст.
«Дзясятак — гэта будзе максімум», — адказаў Аляксандр Лукашэнка.
Пытанне журналіста пра дзясятак «Арэшніка» было адсылкай да ранейшай заявы Прэзідэнта Беларусі гадавой даўнасці. Тады на пытанне, колькі ў Беларусь плануецца паставіць гэтых ракетных комплексаў, кіраўнік дзяржавы сказаў: «Думаю, што пакуль дзясятак, а потым паглядзім. Калі ў расіян будзе жаданне больш іх размясціць, мы размесцім іх больш».
У момант той гутаркі з журналістамі міма праходзіў Прэзідэнт Расіі Уладзімір Пуцін і пачуў словы беларускага калегі. «Не, ну дзесяць гэта...» - адзначыў расійскі лідар, падняўшы пры гэтым уверх абедзве рукі.
Праз месяц пасля той размовы, у студзені гэтага года, Аляксандр Лукашэнка растлумачыў сітуацыю: «Калі я сказаў „10 комплексаў“, я пажартаваў. Гэта шалёныя грошы. І прамысловасць Расіі не толькі ж „Арэшнік“ вырабляе. Я гэта разумею. Дастаткова аднаго комплексу „Арэшнік“, каб абараніць Беларусь. Але яны патрэбныя і ў Расіі».
