Цэнтральная тэма форуму — стратэгія будучыні краіны. «Гэта ўнутраны запыт нашага грамадства. Беларусы хочуць бачыць вобразы будучыні, куды будзе рухацца наша краіна ў гэтых няпростых умовах. Наша задача — якраз у такім фармаце правесці не проста маналог, а дыялог, паказаць наша бачанне Беларусі: эканомікі, палітыкі, сферы бяспекі», — растлумачыў аналітык Беларускага інстытута стратэгічных даследаванняў Аляксей Аўдонін.

Паводле яго слоў, такія дыялогі патрэбныя, каб разам пагаварыць аб дасягненнях краіны і перспектывах. «У нас ёсць вельмі моцны эканамічны базіс, вытворчы, навукова-тэхналагічны. Мы значна мацнейшыя, чым краіны Еўропы ў сённяшніх умовах. У нас больш перспектыў, нават калі яны поўнасцю закрыюць усе свае межы. Таму што ў нас ёсць рэсурсы, свае рынкі. Мы, у прынцыпе, можам развівацца самастойна. У нас ёсць вялікі азіяцка-ціхаакіянскі рынак. Так што ў большай ступені ў ізаляцыі знаходзяцца самі ініцыятары санкцый і націску», — заўважыў аналітык.

• Член Пастаяннай камісіі Савета Рэспублікі па адукацыі, навуцы, культуры і сацыяльным развіцці Таццяна Ігнацюк падкрэсліла, што адзінства беларускай нацыі — не абстрактнае паняцце. «Гэта рухаючая сіла, якая складаецца з мудрасці старэйшых пакаленняў і падмацоўваецца жывой энергіяй нашай моладзі. Яна адзіная ў сваіх памкненнях і ўпэўнена накіравана на стваральную будучыню нашай любімай Беларусі. Толькі шчыра палюбіўшы сваю краіну, даведаўшыся аб яе традыцыях, жывучы імі і разуменнем таго, што адбываецца вакол, краіны, мы можам стварыць яркую, квітнеючую будучыню сваёй краіны», — пераканана Таццяна Ігнацюк.

Па словах дэпутата Палаты прадстаўнікоў Паўла Папко, у сітуацыі, калі ў свеце пануе нестабільнасць, беларусы яшчэ больш згуртаваліся. «Мільёны людзей аб’ядналіся вакол дасягненняў сваіх продкаў. Гэта самае галоўнае. Мы не даём абясцэньваць працу і тыя вынікі, якія былі дасягнуты папярэднімі пакаленнямі. Поўную залу сёння бачым. Прадстаўнікі грамадзянскай супольнасці, розных палітычных партый, грамадскіх аб’яднанняў сабраліся тут, каб зверыць пазіцыі, паглядзець, куды ідзе Беларусь. Мы адзіныя ў разуменні — наша сіла ў захаванні дасягненняў папярэдніх пакаленняў і ў тым, што мы гатовы ствараць і прасоўваць сваё дзеля нацыянальнай бяспекі, на карысць нашай моладзі», — падкрэсліў парламентарый. 

Удзельнікі форуму «Беларусь адзіная» таксама пазнаёміліся з выставай «ТэхнаКод Брэстчыны», дзе навучэнцы і студэнты паўднёва-заходняга рэгіёна прэзентавалі свае праекты і распрацоўкі.

Выстава разгарнулася ў фае Палаца культуры Кобрына. У ёй прынялі ўдзел студэнты ўніверсітэтаў Брэсцкай вобласці, навучэнцы васьмі ўстаноў агульнай сярэдняй адукацыі, чатырох устаноў дадатковай адукацыі і трох каледжаў. Яны прадставілі больш за 40 праектаў.

Хлопцыі дзяўчаты паказваюць свае распрацоўкі, праекты. Сярод іх ёсць тыя, якія ўжо ўкаранёны і актыўна выкарыстоўваюцца ў вытворчасці на прадпрыемствах Брэсцкай вобласці, Беларусі ў цэлым і нават у Расі«.

«Гэтыя распрацоўкі датычацца будаўніцтва, аграрнага сектара, інфармацыйных тэхналогій. У нас усе крэатыўныя. Мы хочам бачыць Беларусь у новай, лічбавай прасторы. На выставе можна ўбачыць больш за ўсё рабатызаванай тэхнікі. Дзеці выкарыстоўваюць новыя тэхналогіі ў аграрным сектары, у 3D-мадэляванні», — расказала начальнік упраўлення сацыяльнай і выхаваўчай работы галоўнага ўпраўлення па адукацыі Брэсцкага аблвыканкама Ала Сянькевіч.